Градското собрание на Венеција во саботата ги осуди лажните медиумски извештаи за претстојната венчавка на американскиот милијардер Џеф Безос во италијанскиот град.
Тие најавија дека прославата ќе биде од разумни размери и дека ќе присуствуваат само 200 гости.
Основачот на Amazon и неговата свршеница, новинарката Лорен Санчез, треба да се венчаат во Венеција на крајот на јуни.
Но, градското собрание на Венеција во саботата издаде соопштение во кое ги осудува „лажните вести“ и ги негира извештаите дека Безос планира да приватизира цели делови од градот.
Многубројните шпекулации и лажни вести кои се шират во последно време за свадбата на Џеф Безос се целосно неосновани“, уверуваат од општината.
„Поканети се само 200 гости. Така, на Венеција ќе и биде лесно да биде домаќин на ваков настан без тоа да биде непријатност за градот, неговите жители и другите посетители.
Од Општината посочија дека во Венеција редовно се одржуваат многу позначајни меѓународни настани од оваа, од политички самити до познатата Мостра.
Градоначалникот Луиџи Бруњаро ја поздрави одлуката на парот да се венчаат во неговиот град, изјави за венецијанското издание на италијанскиот весник „Кориере дела сера“ дека економските придобивки од венчавката може да се избројат во милиони долари.
