Легендарната манекенка Кристи Бринкли (71) ги воодушеви своите следбеници со нови фотографии на кои се пофали со својот младешки изглед.
Кристи направи неколку селфиња за време на возењето со брод, позирајќи во црвено бикини.
Така ја покажа својата завидна фигура, а „огнено“ црвено бикини го искомбинираше со шарена кошула и капа.
„Се чувствувам оптимистично и се надевам дека и вие сте. Им посакувам на сите светли сончеви денови“, напиша таа.
Обожавателите, покрај тоа што беа без зборови поради нејзината фигура, не можеа да поверуваат дека Кристи веќе има над 70 години поради нејзиниот младешки изглед на лицето.
„Изгледаш одлично дури и на 71 година“, „Изгледаш како повторно да имаш 16 години“, „Се уште изгледаш неверојатно“, „Секогаш најубава“, „Апсолутно прекрасна. Прекрасна насмевка“, ѝ напишаа.
Заедно со новата фотографија, Бринкли објави и дека нејзините мемоари „Uptown Girl“, чиј наслов е инспириран од песна од нејзиниот поранешен партнер Били Џоел, ќе бидат објавени на 29 април.
Кристи претходно изјави дека ги пишува мемоарите за да „ги инспирира читателите да го создадат животот што го сакаат“.
Во своите мемоари, таа ќе пишува за својата кариера, која ја започнала како тинејџерка.
Таа ја започна својата кариера како модел, позираше на насловните страници на разни списанија, а подоцна стана гуру за велнес и животен стил. За време на нејзината кариера, таа се обидела во глумата и се појавила во филмот „National Lampoon’s Vacation“. Бринкли ја имаше главната улога и во видеото за хитот „Uptown Girl“, а во истоимената мемоарска книга ќе пишува и за нејзината врска со пејачот Били Џоел, кој ја издаде таа песна во 1983 година.
„Ја напишав „Uptown Girl“ за да ги инспирирам читателите да го создадат животот што го сакаат, исто како што отсекогаш сум се обидувала, не преку богатство и слава, туку со тоа што кажувам „да“ на авантурите и обидувајќи се да ја пронајдам магијата во секој момент, без разлика колку е голем или мал“, рече моделот.
