Против американскиот рапер и музички продуцент Шон Диди Комбс е покренато ново федерално обвинение, кое го товари за уште пет кривични дела, вклучително и рекетирање и трговија со луѓе за сексуална експлоатација, покажуваат судските записи.
Шон Диди Комбс се изјасни за невин за наводното принудување на вработените да работат долги часови и се заканил дека ќе ги казни оние кои одбиле да помогнат во неговата дводецениска шема за трговија со луѓе.
Комбс и неговите соработници, наводно, „ја задржале контролата“ врз некои вработени со тоа што ги принудувале да работат долги часови и малку да спијат, користејќи или заканувајќи се дека ќе употребат физичка сила, финансиска штета, психолошка штета и заканувајќи се дека ќе им наштетат на нивниот углед.
Комбс (55) се изјасни за новото обвинение пред американскиот окружен судија Арун Субраманијан на сослушувањето во федералниот суд во Менхетен, објави Гардијан. Судењето е закажано за 5 мај.
Комбс претходно се изјасни за невин по обвиненијата за рекетирање, сексуална трговија и транспорт заради проституција.
На Комбс му се суди по обвиненијата за трговија со луѓе за сексуална експлоатација, рекетирање и поврзани обвиненија за проституција.
Раперот моментално се наоѓа во притворскиот центар Метрополитен во Бруклин. Тој беше уапсен во септември 2024 година под обвинение за трговија со луѓе, рекетирање и други федерални прекршоци. Неговото барање за кауција беше одбиено, а тој ќе остане во притвор до судењето.
