Бирањето на популарна плажа или град за поминување на одморот е лесно, но некои луѓе се повеќе заинтересирани за дестинации до кои патот е подеднакво возбудлив како и самата дестинација.
1) Островите Галапагос
Овие острови се познати по неверојатниот животински свет, а врз туризмот има одредени рестрикции за да се заштити флората и фауната во регионот. До островите нема поголеми летови, па до нив се стигнува со малечко летало кое полетува од Еквадор.
2) Антарктик
Овој континент е скоро целосно ненаселен и недопрен од луѓето, правејќи го идеален за авантуристички расположените патници. Поголемиот дел од посетителите до тука патуваат со брод од нај јужниот дел на Јужна Америка или Јужна Африка.
3) Велигденско острово
Дом на мистериозните статуи, Велигденското острово или Рапа Нуи се наоѓа на брегот на Чиле на сред Тихиот океан, а до него се стигнува со долги летови од Чиле, Сантјаго или Тахити.
4) Полуостровот Кнојдарт
Лоциран во Шкотска, овој далечен полуостров е дом на селото Инвери, опкружено со недопрена дивина. Бидејќи до него не се стига со авион, тоа може да се постигне исклучиво со брод или пешки.
5) Островот Стромболи
Стромболи (најсеверното Аеолско острово) е дом на еден од трите активни италијански вулкани. Иако вулканот постојано еруптира од 1932-ра, островот е често пати посетуван од планинари и геолози, а до него се стига со брод од Сицилија.
6) Мотуо, Тибет
Мотуо е единствената област во Кина до која не се стигнува по пат – порано постоел автопат но бил уништен од џунглата. Ова е една од нај изолираните локации во светот, и оние кои сакаат да ја посетат треба тоа да го направат пеш од селото Паи, и за тоа да добијат посебна дозвола.
7) Фарски острови
Фарските острови се составени од 18 острови во Арктичкиот круг и само два авионски превозници имаат летови до овој карпест и вулкански архипелаг.
8) Заливот Нимо
Заливот Нимо лоциран длабоко во дивините на Канада е единственото населено место во таа област. За да се пристигне до него, посетителите мора да закажат специјален лет или да патуваат со хеликоптер или брод.
