Бред Пит е едно од најпрепознатливите лица во Холивуд, и тоа со добра причина. Славниот актер играше бројни легендарни ликови, а неговите улоги сè уште се паметат многу години по премиерата.
Холивудскиот актер Бред Пит играше сложени ликови кои се бореа со сопствените проблеми, морални дилеми и егзистенцијални прашања.
Низ годините, во бројни интервјуа, актерот издвоил неколку улоги како најпредизвикувачки во неговата кариера. Некои од нив се сметаат и за негови најдобри актерски достигнувања.
„Седум“
Во филмот „Седум“ од 1995 година, во режија на Дејвид Финчер, тој го игра детективот Дејвид Мајлс, кој, заедно со својот колега Вилијам Сомерсет (Морган Фримен), бара сериски убиец кој извршува злосторства врз основа на седумте смртни гревови. Овој трилер е познат по својата емоционална напнатост и шокантни пресврти, а последната сцена е снимена во исклучително тешки физички и психолошки услови.
„Атентатот на Џеси Џејмс од страна на кукавицата Роберт Форд“
Во филмот од 2007 година „Атентатот на Џеси Џејмс од страна на кукавицата Роберт Форд“, во режија на Ендру Доминик, тој го игра легендарниот одметник Џеси Џејмс, додека Кејси Афлек го толкува неговиот обожавател и убиец Роберт Форд.
Бред Пит за улогата рече: „Тоа беше највоздржаната улога што ја имав. Морав сe да изразам со моите очи, со говорот на телото. Публиката мораше да ја почувствува вознемиреноста – без ниту еден збор.“
„Дрво на животот“
Во филмот „Дрвото на животот“ од 2011 година, во режија на Теренс Малик, Бред Пит го портретира строго авторитативен и емоционално затворен татко, г-дин О’Брајан, во приказна што поетски и надреално ги прикажува детството, семејството, животот и смртта во Америка во 1950-тите.
Филмот бараше многу импровизација и длабоки емоции. Бред Пит за ова искуство рече:
„Не знаев каде завршува мојот лик, а каде започнува мојата врска со татковството. Тој филм ме отвори емоционално како ниеден друг.“
