Филмот на Алек Болдвин „Rust“ конечно треба да излезе на екранот.
Поминаа повеќе од три години откако снимателката на филмот беше убиена на снимањето, а сега конечно е објавен првиот трејлер.
Во трејлерот го гледаме Болдвин во улогата на одметникот Харланд Руст. Приказната е сместена во 1880-тите и следи едно момче сираче, кое го игра Патрик Скот Мекдермот, кој е осуден на смрт откако случајно убил ранчер.
„Со пресврт на судбината, неговиот отуѓен дедо Харланд Раст го извлекува од затвор и го води во бегство во Мексико“, се вели во официјалниот синопсис.
„Додека бегаат низ дивината што не простува, бегалците ги гонат решителниот американски маршал Вуд Хелм (Џош Хопкинс) и немилосрдниот ловец на награди познат како Проповедник (Тревис Фимел)“, се наведува понатаму во соопштението.
Трејлерот првпат го објави магазинот People, кој објави дека филмот ќе биде премиерно прикажан на 2-ри мај во одредени кина и дигитални платформи.
Продукцијата на филмот е завршена во 2023 година. Режисер е Џоел Соуза.
Филмот беше премиерно прикажан минатата година во Полска.
Производството беше прекинато во октомври 2021 година, откако Алек Болдвин случајно испука истрел од реквизит пиштол кој содржеше вистински куршум наместо празно. Во таа прилика беше убиенa камерманката Халина Хачинс, додека режисерот Џоел Соуза беше ранет. Болдвин беше ослободен од обвинението, додека реквизитската уметница Хана Гутиерез-Рид беше осудена на 18 месеци затвор во април за убиство од небрежност.
Филмот „Rust“ беше премиерно прикажан во ноември 2024 година на филмскиот фестивал EnergaCamerimage во Полска.
Мет Хачинс, сопруг на трагично починатата Халина Хачинс, стана извршен продуцент на филмот како дел од спогодбата што ја постигна со Болдвин и другите продуценти по тужбата за убиство во 2022 година.
Во интервју за Vanity Fair, Соуза нагласи дека завршувањето на филмот е желба на Халина.
„Ние работевме многу тесно заедно. Работата што таа ја работеше во тоа време беше нејзината најдобра работа до сега, и сето тоа едноставно да исчезне… Не очекувам сите да го разберат или да се согласат со тоа, но секој дел од мене ми вели дека тоа не треба да исчезне. Не се работи за искористување на трагедијата. Сакам да ја споделам нејзината работа со светот, да им покажам на луѓето што е способна да создаде.
