Поранешниот шпански тенисер Рафаел Надал, веројатно вториот најдобар во историјата на спортот, наскоро ќе стане татко по втор пат.
Рафа и неговата сопруга Марија Франциска Перељо (исто така позната како Чиска) го очекуваат своето второ дете, објавува угледното списание „Семана“.
Веста доаѓа помалку од една година откако Рафа официјално ја заврши својата богата професионална кариера.
Двојката веќе се родители на момче по име Рафа, кое е родено на 8 октомври 2022 година, и сега се подготвуваат да го прошират своето семејство со нов член.
Надал и Чиска се заедно речиси две децении, а се венчаа во 2019 година на гламурозна церемонија во Сан Форталеза, Мајорка.
Според шпанските медиуми, тие веќе ја споделиле среќната вест со семејството и блиските пријатели.
„Бремената Мери, која има 36 години, се чувствува добро и продолжува со своите секојдневни обврски, иако веќе ѝ се гледа трудничкиот стомак, што го потврдуваат и најновите фотографии објавени во списанието „Семана“, се вели во текстот.
Доаѓањето на второ дете е особено значајно сега кога Надал се пензионираше од светот на тенисот – тој има повеќе време да се посвети на своето семејство и да ужива во својата улога на татко.
